Santa Lucia ra Burgata

S'arrubbaru 'u corpu ri santa Luciuzza
i lazzaruna ro' ginirali Maniaci
su purtaru notti tempu a Custantinopuli
ammenzu a li turchi e bizantini
c'annu fattu sempri tanti ruini .
ma li veneziani li fregaru
nottitempu 'na lu mari 'n timpesta
ficiru festa cu lu dogi a chiazza 'ri san Marcu.


Giuseppe

A 'Gnaziu Buttitta

'Gnaziu, ti vitti uoggi

'nta casa di to' figghiu a Palermo,

mi facisti tinirizza ,

mi chiancia lu cori

sintennu la t0' vuci supplicari.


Turnari a' l'Aspra

vulia la to' menti

unni t'arriurdavutu lu cèvusu

l'acidduzzi c'abbulavanu

l'acchianata e la scinnuta di la scala

accumpagnatu di Angilina to' muggheri.

Ti facianu cumpagnia li griddi,

l'aceddi cantirini

ccu lu mari e li pisci argintati.

Uora iù mi sentu 'n cani vastuniatu

davanti a tia sugnu nicu nicu,

a sintiri li t0' paroli supplicari,

addumannarimi aiutu ppi turnari

'nti lu to' nidu abbannunatu .

Antrasatta mi viru 'mmarazzatu

to' figghia e la to' mità Angilina

mi fannu cennu ,ca nun po' 'ssiri.

Annunga scumparu a ' chitichella .

Scinnu ' scali e mmi nni vajiu chiancennu ,

sapennu ca lu viru ppi l'urtima vota

Ormai lu suli 'sta tracuddannu .

Caru 'Gnaziu nun ti dicu addiu,

ma arrivederci 'nta casa do' Signuri .

Giuseppe La Delfa

Palermo 1996 Bagheria